tg-me.com/codedevelopment/1934
Last Update:
اختار الـ (Laravel, Nodejs, Dot Net ) وايه الأفضل فيهم .. بوست دسم ان شاء الله هنحل معضلة الوقوع في خطاء اختيار التقنيات عموما وخاصه الـ (Laravel, Nodejs, Dot Net )
بيقابلني سؤال كل يوم لناس كتير بتكون متشتته ف اختيار المسار بتاعهم ف الباك اند وهو يا هندسه
انا اختار اي فيهم واي الافضل فيهم (Laravel, Nodejs, Dot Net )
🔵نصائح لاختيار التقنية المناسبة
🔵 العوامل المؤثرة في الاختيار
اختيار مسار الباك اند بيكون زي اختيار حياتك، وأنا هقولك على كذا معلومه وف النهايه القرارات في إيدك!
nodejs
.net
Php
Php هتحتاج تثبت نفسك قوي ف ال
.net هتشتغل ف شركات افضل لو دوست
nodejs فيها فرص بتزيد
العامل المشترك أنك لازم تتميز ف اي اختيار منهم علشان فيه منك كتيررر
بس ال php هتحتاج اكتر
🔵أهم نقطة في اختيار تقنية الباك إند هي وضع سوق العمل في الاعتبار
أول حاجة متتخبطش ف نفسك كتير اسأل نفسك بجد: أنا عايز أشتغل فين؟ وعايز أتخصص في إيه؟ لأن المجالات كتير
بمجرد ما تختار التقنية دي لازم تشوف احتياجاتها ف سوق العمل في مكانك يعني لازم تعرف الشغلات اللي مطلوبة والوظايف المتاحة في المجال ده في المنطقة اللي أنت فيها.
ممكن تبحث عن الشركات والوظايف اللي بتحتاج تقنية محددة وتشوف المنصات الشهيرة والمشاريع اللي بتستخدم التقنية اللي أنت عايزها في الباك إند. ممكن تلاقي بعض التقنيات أكتر انتشارا وطلبا في سوق الشغل عن غيرها.
وبعد كده اتوكل على ربنا وابدأ متخليش الاختيار يضغط عليك ربنا معاك. الحاجة الأهم إنك تكون مستعد للتعلم والتطوير، وتكون مستعد للتحديات.
شوف يا صديقي السوق متقسم ٣ مستويات ف الشغل
🔵المستوي الاول:
الشركات الكبيره والبنوك والمؤسسات الحكوميه
دايما شغلهم معتمد علي NET. لاسباب كتير منها الامان والتشفير وحاجات كتير الشركات دي بتكون محتاجاها
عشان كده التكنولوجي بتكون صعبه والمرتبات عاليه ومطلوبين كتير
🔵المستوي التاني :
بيكون مستوي متوسط
شركات عاديه بقي بتكون محتاجة علي قد موقع او ابليكيشن متوسط يمشي شغلهم ودول ممكن يستخدموا ال nodejs وحاجات زيها وممكن كمان ال laravel
🔵 المستوي التالت :
بقي مستوي اشخاص او freelancers وده بقي العميل بتاعه بيكون محتاج سيستم محل
سيستم عياده
حاجات بسيطه جدا
فلوسها مش كتير وشغلها كمان مش كتير
وانا هنا بردو وضحتلك كل حاجة وانت اختار اللي يناسبك
💡 وعاوز افهمك نقطه مهمه جدااا ف حياتك ف المجال ده
شوف اي تخصص هتشتغل فيه
لازم تحبه
وتتقبل اي حاجة فيه
شغلنا عموما من اصعب الشغل اللي موجود
لانه معتمد اعتماد كلي علي الدماغ والتفكير
عشان كده مرتباتنا عاليه
وبعدين اي تخصص انت حابب تشتغل فيه
مفيش اي مشكلة ذاكرله واشتغل فيه
المهم تكمل ويبقي عندك استعداد دايما انك تدور وتتعلم
وبرضه لازم يكون عندك استعداد انك ف الشغل ف اي وقت
ممكن يتطلب منك شغل بلغه او تكنولوجي انت متعرفش عنها حاجه
فلازم برضه تكون مستعد وتقدر تدور وتجيب المعلومه وتخلص شغلك
بس كده
#Back_End
#Laravel
#Nodejs
#ASP_NET
منقول
BY Web Development Code
Share with your friend now:
tg-me.com/codedevelopment/1934